Mac компьютеріңіздегі телефон қоңыраулары мен мәтіндік хабарлар
Қоңырауларға—тікелей—MacBook Pro компьютерінен жауап беруіңізге және қоңырау шалуыңызға болады. Сондай-ақ, мәтіндік хабарларды алуыңызға және жіберуіңізге болады.
Ескертпе: MacBook Pro компьютерінде телефон қоңырауларын шалу немесе қабылдау үшін Wi-Fi қосылымы қажет.
Қоңырау қабылдаңыз немесе шалыңыз. iPhone құрылғыңызға біреу қоңырау шалғанда MacBook Pro экранында пайда болатын хабарландыруды басыңыз. MacBook Pro спикерфонға айналады. Қоңырау шалғыңыз келсе, телефон нөмірін Spotlight search өрісінде немесе FaceTime, Contacts, Safari немесе Calendar сияқты қолданбада басыңыз. Телефон қоңырауларын шалу үшін сізге ұялы қосылымы бар жақын құрылғы (iPhone немесе iPad) қажет.
Хабарлар жіберу және қабылдау. SMS және MMS мәтіндік хабарларын тікелей MacBook Pro компьютеріңізден жіберіңіз және қабылдаңыз. Достарыңыз бен жанұяңыз сізге хабар жібергенде, ең жақын жердегі құрылғымен жауап бере аласыз. Барлық хабарлар MacBook Pro, iPhone, iPad, iPod touch және Apple Watch құрылғыларыңызда пайда болады. Хабарлар бөлімін қараңыз.
Қосымша мәліметтер. FaceTime қолданбасының пайдаланушы нұсқаулығындағы Mac компьютеріндегі FaceTime қолданбасында телефон қоңырауларын шалу және қабылдау бөлімін және Messages қолданбасының пайдаланушы нұсқаулығындағы iPhone құрылғысын Mac компьютерінде SMS хабарларын алатын етіп орнату бөлімін қараңыз.